Bıbigúl Jeksenbaı aqparattyq qaýipsizdik salasyndaǵy problemany atady
Depýtat tsıfrlyq habar taratý teledıdaryn engizý máselelerine nazar aýdardy. Qazaqstanda tirkelgen 83 teleradıokompanııanyń 21-i respýblıkalyq deńgeıde habar taratady. Onyń tek 15-i mýltıplekske tegin enip, qyzmet etip júr. Al qazaqstandyq kórermenderge usynylǵan sheteldik telearnalar sany 300-ge jýyqtady. Jospar boıynsha 2015 jyly búkil elimiz aýmaǵy tsıfrly efırlik teledıdarǵa kóshý eskerilgen, biraq joba 10 jylǵa uzartyldy. Senatordyń aıtýynsha, tsıfrlyq tehnologııalardyń arqasynda oblys ortalyqtarynda 30-ǵa deıin, shalǵaıdaǵy eldi mekenderde 15 arnaǵa deıin habar taratýǵa bolady.
«Ázirge, memlekettik arnalardan ózgeleri úshin mýltıplekste habar taratý arman bolyp otyr. Óńirlik, shekaralyq aýmaqtaǵy jekemenshik telearnalar odan oryn ala almaıdy. Sebebi baǵasy ýdaı qymbat. ıAǵnı, jekemenshik arnalardyń damýyna ózimiz kedergi jasap otyrmyz», — dedi B. Jeksenbaı.
Depýtattyń pikirinshe, osy arada ózekti másele baıqalyp otyr. Bul aqparattyq qaýipsizdik máselesi. Shekaralas eldi mekenderde sheteldik aqparat kózi úırenshikti bolǵan. Memlekettik telearnalardy qaramaıtyn kórermender Qazaqstanmen shekaralas memleketterdiń telearnalaryn kúndiz-túni kórip, jat eldiń ıdeologııasyn sanasyna sińirip jatyr. Senator kórshi elderdiń ıdeologııasy «sur» tabaqshalar arqyly jas urpaqtyń sanasyna erkin áser etetinin atap ótti.
«Aqparattyq qaýipsizdik máselesine durystap nazar aýdaratyn kez keldi. Qazir tsıfrly efırlik teledıdardy Qazaqstan halqynyń 92,66 paıyzy kóre alady. Alaıda, elimiz tsıfrly habar taratýǵa kóshkenimen, óńirlerdegi jekemenshik telearnalar burynǵy beıshara kúıinde qalyp otyr. Aqparat taratatyn telearna damymasa, ıdeologııa da bolmaıdy. Ideologııa degenimiz tek Astana, Almatyda ǵana emes, kúlli óńirlerde júrgizilýi tıis», — dedi depýtat.
Bıbıgúl Jeksenbaı jeke arnalarǵa mýltıplekstiń baǵasyn tómendetýdi jáne shekara mańyndaǵy eldi mekenderdegi otandyq telearnalardyń tizimin keńeıtýdi usyndy.