Bıbigúl Aqqujına Qostanaı oblysynan Senatqa depýtat boldy

<p>Búgin Qostanaı oblysynda QR Parlamenti Senatyna saılaý ótti. Endi oblys atynan palatada Amanat partııasy fılıalynyń tóraǵasy Bıbigúl Aqqujına ókil bolady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

QR Ortalyq Saılaý komıssııasynyń málimetine súıensek, Senat depýtattyǵyna kandıdattardy tańdaýǵa 253 adam qatysty. B.Aqqujına barlyǵy 193 daýysqa ıe boldy.

Onyń qarsylastary: Rýdnyı máslıhatynyń depýtaty Azamat Ysqaqovqa – 27, Qostanaı aýdandyq aýrýhanasynyń bas dárigeri Álimjan Mirmanovqa 21 daýys berildi.

Aqqujına Bıbigúl Berkútqyzy 1971 jylǵy 20 qańtarda Qostanaı oblysynda dúnıege kelgen. Eńbek jolyn Qostanaı memlekettik ýnıversıtetinde psıhologııa oqytýshysy retinde bastady, joǵary bilimin de osy jerden aldy.

2000-2002 jyldary QR Memlekettik qyzmet isteri agenttiginiń Qostanaı oblysy boıynsha departamentiniń mamany bolyp jumys istedi. 2002-2009 jyldary – Qostanaı oblysy ákimdigi Іshki saıasat basqarmasy taldaý jáne monıtorıng júrgizý bóliminiń basshysy.

2009-2016 jyldary Qostanaı oblysy ákimdiginiń Іshki saıasat basqarmasy basshysynyń orynbasary qyzmetin atqardy. Qostanaı qalasy ákiminiń orynbasary laýazymynda boldy. 2017 – 2021 jyldary – Qostanaı oblysy ákimdiginiń Іshki saıasat basqarmasynyń basshysy, oblystyq Qazaqstan halqy Assambleıasy hatshylyǵynyń meńgerýshisi.

2021 jyly Nur Otan partııasy (qazirgi Amanat partııasy) Qostanaı oblystyq fılıaly tóraǵasynyń birinshi orynbasary qyzmetine taǵaıyndaldy. 2022 jyldyń jeltoqsan aıynan osy ýaqytqa deıin Amanat partııasy Qostanaı oblystyq fılıalynyń tóraıymy qyzmetinde boldy.