Bıatlonshy Raıkova Phenchhannan otandastaryna səlem joldady

KÓKShETAÝ. QazAqparat - Bıatlonnan QR ulttyq quramasynyń múshesi aqmolalyq Alına Raıkova XXIII qysqy olımpıada oıyndary ótetin Ońtústik Koreıanyń Phenchhan qalasynan beıne jazba arqyly otandastaryna səlemin joldady, dep habarlaıdy QazAqparat tilshisi.

Beıne jazbada: "Barshańyzǵa Ońtústik Koreıadan səlem! Men Raıkova  Alına, bıatlon komandasynyń sportshysymyn. Kóptegen  kútken Olımpıadaǵa  kelip  jettik, ıaǵnı, alty kúnnen  soń  alaýy  jaǵylatyn.  Elimizdiń ulttyq  Olımpıada komıtetine  erekshe  alǵys  bildirgim  keledi.  Bizdi óte  jaqsy  qarsy alyp, jaıǵastyrdy. Qoldaý  bildirip  jatqanyna úlken rahmet!  Biz olardyń senimderinen shyǵyp, alǵa  qoıǵan  maqsattarymyzdy oryndaıtyn  bolamyz.

Munda tamaqtary jaqsy, shańǵy joldary da jaqsy daıyndalǵan, keń, sapasy joǵary. Jasandy qar tóselgen.  Keshe osyndaǵy alǵashqy jattyǵýymyzdy  ótkizip,  kóńilimiz  toldy.

Joǵary nátıjeden úmittenemiz.  Bizge  jankúıerlik tanytyńyzdar. Biz  senimderńizden  shyǵýǵa  tyrysamyz.

Alǵa Qazaqstan!", deıdi Alına óziniń beıne səlemdemesinde.

Eske sala keteıik, búkil tórtkúl dúnıe kóz tigip otyrǵan baıraqty jarys 9-25 aqpan aralyǵynda ótedi. Onda álemniń 92 elinen jınalǵan 2 500 atlet qysqy sporttyń 15 túri boıynsha 102 jıyntyq medaldi sarapqa salady. Qazaqstandyq sportshylar irikteý básekesinde utyp alǵan 57 olımpıada joldamasyna sáıkes sporttyń 9 túri boıynsha synǵa túsedi. Qazaqstan Respýblıkasy ulttyq quramasy sapynda aqmolalyq 6 sportshy el namysyn qorǵaıdy. Olar bıatlonshy Alına Raıkova, Roman Eremın, Tımýr Hamıtgatın jáne shańǵyshylar Evgenıı Velıchko, Valerııa Tıýleneva, Denıs Volotka.

Vsıa strana s vamı! #teamKZ 🇰🇿 Alǵa, Qazaqstan! @alinka._r @biathlon_kaz

Pýblıkatsııa ot KAZAKHSTAN OLYMPIC TEAM (@olympickz) Fev 3, 2018 at 4:51 PST