Bıatlonnan jasóspirimder arasyndaǵy Qazaqstan kýbogynyń ekinshi kezeńi ótedi

<p>Batys Qazaqstan oblysy Aqsaı qalasynda GRAND TOUR BIATHLON jasóspirimder arasyndaǵy QR kýbogynyń ekinshi kezeńi ótedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

QR Bıatlonshylar Odaǵynyń baspasóz qyzmeti málim etkendeı, 05-11 qańtar aralyǵynda Aqsaı qalasyndaǵy shańǵy-bıatlon bazasynda bıatlonnan jasóspirimder arasyndaǵy QR Kýbogynyń 2 kezeńi ótedi. Bul doda atalǵan óńirde shańǵy sporty túrinen ótkizilgeli otyrǵan alǵashqy báseke bolmaq.

Jarysqa Abaı, Aqmola, Almaty, Shyǵys Qazaqstan, Qaraǵandy, Pavlodar, Soltústik Qazaqstan oblystary men Almaty qalasynan 80-nen astam jasóspirim sportshy qatysady.

Qazaqstan Bıatlonshylar Odaǵynyń qoldaýymen, reıtıng nátıjesi boıynsha 2008-2010 jyldary týǵan kóshbasshy sportshylar 10-15 sáýir aralyǵynda Norvegııada ótetin festıvalge jáne 2024 jyldyń qarashasynda Slovenııada ótetin IBU sport lagerine jiberiledi.

Sonymen qatar úzdik dep tanylǵan 3-5 komandaǵa sporttyq ınventar alý úshin aqshalaı sertıfıkattar tabystalady.

Odan bólek, ár kezeńdegi sprınt jáne jeke jarys úzdikteri jeńimpaz kúrteshesimen jáne arnaıy kýbokpen marapattalady. Jarystyń jańa formaty eresekter arasyndaǵy Álem kýbogynyń kezeńderine sáıkestendirilgen.

Jarys baǵdarlamasy:

05 qańtar – kelý kúni;

06 qańtar– jattyǵý kúni;

07 qańtar– sprınt;

08 qańtar– jeke jarys;

09 qańtar–demalys kúni;

10 qańtar-estafeta;

11 qańtar-jolǵa shyǵý kúni;

Jarystyń resmı ashylý saltanaty 7 qańtar, saǵat 10:00-de ótedi.