Bıatlonnan álem chempıonaty: Erler men áıelder arasyndaǵy jeke jarys aıaqtaldy

<p>ASTANA. KAZINFORM — Búgin Chehııanyń Nove-Mesto qalasynda bıatlonnan álem chempıonaty aıasynda erler arasyndaǵy 20 km qashyqtyqqa jeke jarys óz máresine jetti. Qazaqstan bıatlonshylar odaǵy málim etkendeı, baıraqty básekede Qazaqstan quramasy atynan Aleksandr Mýhın, Vladıslav Kıreev jáne Nıkıta Akımov óner kórsetti.</p>

Jarys nátıjesi boıynsha jerlesimiz Vladıslav Kıreev márege 100 qatysýshynyń arasynan 47-shi bolyp jetti.

Ol alǵashqy 2 atý aımaǵynda barlyq nysanaǵa dál kózdese, úshinshi aınalymda 2 oǵy, sońǵy aınalymda 1 oǵy qıys ketti.

Osylaısha, jarys jeńimpazy Iohannes Bege +7:24.9 ýaqytqa ese jiberdi.

Aıta ketý kerek, byltyrǵy álem chempıonaty nátıjesine qaraǵanda Vladıslav Kıreev osy maýsymda jaqsy kórsetkish kórsetip otyr. Endi ol aldaǵy estafetada synǵa túsedi.

Al keshe áıelder arasyndaǵy 15 km jeke jarysta 4 atý kezeńinde de barlyq nysanaǵa dál tıgizip, Galına Vıshnevskaıa-Sheporenko úzdik 25 sportshynyń qataryna endi.

Baıraqty básekede Qazaqstan ulttyq quramasy sapynda Galına Vıshnevskaıa-Sheporenko, Polına Egorova, Alına Skrıpkına, Olga Poltoranına, Nıkıta Akımov, Kırıll Baýer, Vladıslav Kıreev, Aset Dıýsenov ı Aleksandr Mýhın óner kórsetip jatyr.