Bıatlon: El birinshiliginiń alǵashqy jeńimpazdary anyqtaldy

<p>ASTANA. KAZINFORM &ndash; Beısenbi kúni Şýchınsk qalasyndaǵy Qysqy sport túrleri boıynsha olımpıadalyq daıarlaý ortalyǵynyń bazasynda bıatlonnan jastar arasynda QR chempıonaty bastaldy.</p>

Qazaqstan Bıatlonshylar odaǵynyń baspasóz qyzmetinen málim etkendeı, birinshi kúni jeke jarysqa Abaı, Aqmola, Aqtóbe, Almaty, Shyǵys Qazaqstan, Qaraǵandy, Pavlodar, Soltústik Qazaqstan oblystarynan 150-den astam sportshy qatysty.

Alǵashqy jarys kúniniń qorytyndysy boıynsha jasóspirim uldar 12,5 km qashyqtyqta óner kórsetip, arasynan aqmolalyq Danıl Chervenko kósh bastady. Ol fınıshke 0:37.59 ýaqytta kelse, ekinshi bolyp Artem Afanasev 0:39.10 ýaqytta máre syzyǵyna jetti. Gýrov Anton 0:40.23 ýaqytta úzdik úshtikke endi.

Jasóspirim qyzdar arasynan 10 km qashyqtyqta Ýlıana Ardalıonova 0:39:49 ýaqytta birinshi bolyp jetse, ıAna Chýpık 0:40:03 ýaqytpen – ekinshi, Adıma Kýanyshbekova 0:42:14 ýaqytpen úshinshi nátıje kórsetti.

Jetkinshekter arasynan Vadım Seredenko 12,5 km qashyqtyqta 0:47.17 ýaqytta top jarsa, Maksım Zınovev +28 sekýndqa keshigip, 0:47:45 ýaqytpen ekinshi boldy. Al Leonıd Jýlın 0:48:09 kórsetkishpen úshtikti túıindedi.

Qyzdar quramasy 10 km qashyqtyqta synǵa túsip, 0:45:55 ýaqytpen Evelına Rybalkına – birinshi, Anastasııa Serednıakova 0:47:02 ýaqytpen – ekinshi, Valerııa Mıronova 0:47:04 ýaqytpen úshinshi oryndy ıelendi.

Báseke 21 qańtarǵa deıin jalǵasady. Sońǵy jarys kúni sportshylar mass-startta óner kórsetedi.