Bı-bı-sı 1000 qyzmetkerin jumystan qysqartady
20:14, 02 Shilde 2015
ASTANA. QazAqparat - Myńdaǵan adam jumyssyz qalatyn boldy, dep habarlady Bı-bı-sı.
Bı-bı-sıdiń qyzmetkerlerin kóptep qysqartýyna korporatsııa jumysy qarjylandyrylatyn televızııalyq jıynnan (licence fee) josparlanǵan somadan 150 mln. fýnt kem qarajat alǵany sebep boldy.
Zań boıynsha Ulybrıtanııa aýmaǵynda turatyn ár otbasy arnaıy baj - televızııalyq jıyn tóleıdi. Alaıda kóptegen otbasy teledıdar kórmeıtinin jeleý etip bul tólemdi tóleýden bas tartady.
Bı-bı-sı tilshisi Devıd Sıllıtonyń aıtýynsha, 1000 adamdy qysqartý 50 mln. fýntty únemdeýge múmkindik beredi. Bul tapshylyq qaldyǵyn jabý úshin jańa qysqartý qajet bolatynyn bildiredi.