BǴM ókili muǵalimderge jazǵy sabaqtar úshin ústemeaqy nege tólenbeıtinin aıtty

NUR-SULTAN. QazAqparat – Bilim jáne ǵylym mınıstrligi Mektepke deıingi orta bilim berý komıtetiniń tóraǵasy Maıra Meldebekova jazǵy sabaqtar úshin muǵalimderge ústemeaqy nege tólenbeıtinin túsindirdi, dep habarlaıdy QazAqparat tilshisi.

«Jalpy jazdyń úsh aıyna 90 kún keletin bolsa, sonyń 56 kúninde ǵana muǵalimder demalady. Bul burynnan beri kele jatqan format. Qalǵan kúnderi pedagog mektepte bolyp, qalypty jumys isteıdi. Jazǵy mekteptegi jumysy úshin eshbir muǵalimge qosymsha nemese ústemeaqy tólenbeıdi. Buǵan deıin jazdaǵy jumys kúnderi úshin qandaı aılyq alyp júrgen bolsa, sol mólsher saqtalady.

Pandemııaǵa deıin de muǵalimder jazǵy kanıkýlden tys kúnderi jumys josparlaryn pysyqtap, metodıkalyq jumysty tártipke keltiretin. Osy jumystardyń aıasynda bıyl olar ótken oqý jylynyń olqylyqtaryn toltyrady. Sondyqtan qosymsha aqy tólenbeıdi», - dedi Maıra Meldebekova BAQ ókilderine bergen suhbatynda.