BǴM múgedek balalardy uryp-soqqan balabaqshaǵa túsinikteme berdi

NUR-SULTAN. QazAqparat – Bilim jáne ǵylym mınıstrligi elordalyq ınklıýzıvti balabaqshadaǵy uryp-soǵý oqıǵasy týraly pikir bildirdi, dep habarlaıdy QazAqparat tilshisi.

Buǵan deıin Nur-Sultandaǵy erekshe muqtajdyǵy bar balalarǵa arnalǵan «Satı» jeke balabaqshasyndaǵy tárbıeshiniń múgedek balalardy uryp-soqqany týraly vıdeo taraǵan edi.

Bilim jáne ǵylym birinshi vıtse-mınıstri Sholpan Qarınovanyń aıtýynsha, qazir atalǵan balabaqshada tekserý túrip jatyr.

«Tekserý aıaqtalǵannan keıin tıisti sharalar qabyldanady. Bilim jáne ǵylym mınıstrligi munyń óte qıyn jaǵdaı ekenin moıyndaıdy. Mundaı nárse qaıtalanbaýy kerek, sondyqtan biz qazir balabaqshalarǵa qoıylatyn talaptardy kúsheıtý sharalaryn qarastyryp jatyrmyz. Balabaqshalardyń ózderine de, tárbıeshilerge de qoıylatyn talaptardy qatańdatamyz», - dedi Sholpan Qarınova Senatta tilshilerge bergen suhbatynda.

Sonymen birge, balabaqshalarǵa tekserý júrgizý tártibin de ózgertý josparlanǵan.

«Balabaqshalardy lıtsenzııalaýdy qaıtarý qajet bolatyn shyǵar. Qazir osy normalardy qarastyryp jatyrmyz», - dedi Sh. Qarınova.