BǴM grant sharttaryn oryndaýdy baqylaıdy

ASTANA. QazAqparat - QR Bilim jáne ǵylym mınıstrligine qarasty «Qarjy ortalyǵy» AQ jáne «Nur Otan» partııasynyń saıası menedjment mektebi ózara yntymaqtastyq týraly memorandýmdy rásimdedi, dep habarlaıdy QazAqparat tilshisi qarjy ortalyǵynyń baspasóz qyzmetine silteme jasap.

Atalǵan qujattyń aıasynda «Qarjy ortalyǵy» aktsıonerlik qoǵamy «Nur Arman» atty jobanyń oryndaýshysy - Saıası menedjment mektebine grant ıegerleriniń qoıylǵan sharttardy oryndaýyn baqylaýǵa kómektesetin bolady. «Nur Arman» jobasynyń basty maqsaty - jetim qalǵan balalarǵa jáne áleýmettik qorǵaýǵa alynǵan toptaǵy talantty, keleshegi bar jastarǵa álemniń úzdik joǵary oqý oryndarynda bakalavrıat baǵdarlamasy boıynsha bilim alýǵa múmkindik berý.

«Búginde «Nur Otan» partııasy aımaqtyq fılıaldary osyndaı jastardy izdestirip otyrady. Al Astanada arnaıy qurylǵan komıssııa úmitkerlerdi sońǵy irikteýden ótkizedi. Osy ýaqytqa deıin 9 adam «Nur Arman» jobasy aıasynda bilim grantynyń ıegeri atandy. Qazir olar Ulybrıtanııa,Qytaı, Malaızııa men Reseıdiń jetekshi ýnıversıtetterinde bilim alýda», -delingen resmı habarlamada.