Beıjińde «ShYU úlgisi» jastar konferentsııasy ótti

<p>Beıjińdegi Shanhaı Yntymaqtastyq uıymy Hatshylyǵynda Uıymǵa múshe-elderdiń jas býyn ókilderiniń qatysýymen &laquo;ShYU úlgisi&raquo; Jastar konferentsııasy ótti, dep habarlaıdy <a href="Kazinform" target="_blank" rel="noopener">Kazinform.</a></p>

ShYU bas hatshysynyń orynbasary Nurlan Ermekbaev konferentsııany ashyp sóz sóılep, Shanhaı yntymaqtastyq uıymy jastar máselesine basa nazar aýdaryp, óziniń negizgi qyzmet baǵyttarynyń biri sanaıtynyn atap ótti. Osy saladaǵy negizgi qujattar — 2018 jyly Tsındaoda ótken sammıtte qabyldanǵan «ShYU múshe-memleket basshylarynyń jastarǵa ortaq úndeýi» jáne 2021 jyly Dýshanbede qol qoıylǵan «Jastarmen jumys salasyndaǵy seriktestik týraly kelisim». 

«Konferentsııa taqyryby: Jasyl ekonomıkaǵa jeter jol: ShYU aımaǵyndaǵy turaqty damý strategııasy». Bul másele Uıym aıasynda óte ózekti, keler 2024 jyl «ShYU ekologııasy jyly» bolyp jarııalandy.

Qorshaǵan ortany qorǵaý — elderimizdiń áleýmettik-ekonomıkalyq damýyndaǵy kóptegen máselelermen baılanysty. Bul — eshbir eldiń jalǵyz shamasy jetpeıtin mańyzdy máseleniń biri. Búgingi konferentsııada ekologııa máselelerine jańa qyrynan qarap, tájirıbe júzinde paıdaly sheshim qabyldanady dep oılaımyz», - dep atap ótti N.Ermekbaev.

Іs-sharany QHR-daǵy QR Elshiligi ShYU Hatshylyǵynyń qoldaýymen 2023-2024 jylǵy Uıymǵa Qazaqstan tóraǵalyq etetin jyl josparyna sáıkes ótkizildi.

2023 jylǵy shildede Qazaqstan Respýblıkasy ShYU tóraǵalyq estafetasyn qabyldaǵanyn eske sala keteıik.