Beıjińde «Naýryz Fest» festıvali ótti

<p>BEIJІŃ. KAZINFORM &ndash; Qytaıdaǵy Qazaqstan týrızmi jylynyń ashylýy aıasynda senbi kúni Beıjińdegi tanymal 798 art-zonasy alańynda &laquo;Naýryz Fest&raquo; festıvali ótti.&nbsp; &nbsp;</p>

Qazaqstandyq ártister men shyǵarmashylyq ujymdar Beıjiń qonaqtary men turǵyndary úshin aýqymdy merekelik baǵdarlama daıyndady. QHR astanasyndaǵy iri zamanaýı óner ortalyǵynda «Súgir» qazaq halyq aspaptar orkestri men «ıAssy» bı ansambli óner kórsetti.

«Qytaıdaǵy Qazaqstan týrızmi jylynyń sonshalyqty qarqyndy jáne tabysty bastalǵanyna qýanyshtymyn. Birneshe kún boıy qazaqstandyq shyǵarmashylyq toptar Beıjińde úlken kontsertter uıymdastyrdy, osylaısha QHR astanasynyń qonaqtary men turǵyndary Qazaqstan týraly kóbirek bildi», - dep atap ótti QHR Jazýshylar odaǵynyń múshesi Akbar Májıt. 

Foto: Rýslan Sýleımenov / Kazinform

«Naýryz Fest» rejısseri Meıirjan Álıakparov is-shara baǵdarlamasynyń qyzyqty, mazmundy jáne kórkem ekenin atap ótti. 

«Beıjiń turǵyndary men qonaqtary kóptegen jaǵymdy áserde qaldy. Kórip otyrǵanymyzdaı, búgin munda óner adamdary men jergilikti jurtshylyq arasynda shynaıy aýyzbirshilik atmosferasy qalyptasqan», - dedi ol. 

Foto: Rýslan Sýleımenov / Kazinform

Eske sala ketsek, 2024 jyl Qytaıda Qazaqstan týrızmi jyly bolyp jarııalanǵan bolatyn.

Aıta ketsek, jyldyń resmı ashylýy halyqaralyq týrızm men ınvestıtsııalarǵa arnalǵan forýmnan bastalyp, Qazaqstannyń kórmesi jáne etno-aýyldaǵy mádenı is-sharalarmen jalǵasty.