Beıjińde Qazaqstannyń mádenı kúnderi bastaldy

<p>QHR astanasy Beıjiń  qalasynda Qazaqstan Respýblıkasynyń Mádenı kúnderi bastaldy. Іs-sharanyń birinshi kúni Roza Baǵlanova atyndaǵy «Qazaqkontsert» memlekettik kontserttik uıymynyń kontsert-tusaýkeseri Guomao iskerlik jáne qazirgi zamanǵy astanalyq aýdanyndaǵy alańdardyń birinde ótedi, dep habarlaıdy <a href="Kazinform" target="_blank" rel="noopener">Kazinform.</a> </p>

Búgin «Astana sazy» Qazaq memlekettik folklorlyq ansambliniń artısteri, «Gúlder» ansambliniń shyǵarmashylyq ujymy, qazaqstandyq estradanyń belgili ókilderi Medet Salyqov, Klara Tólenbaeva, Azamat Jyltyrkózov, Álisher Karımov, Rýhııa Baıdúkenova óner kórsetti.

Roza Baǵlanova atyndaǵy «Qazaqkontsert» artısteri men shyǵarmashylyq ujymdarynyń Gala-kontserti kelesi aptada Beıjińniń tarıhı ortalyǵynda ornalasqan ulttyq oryndaýshylyq óner ortalyǵynyń sahnasynda ótedi.

25 qarasha, senbi kúni Qytaıda Qazaqstannyń mádenıet kúnderi aıasynda «Tsıfrlyq adamdar» — Qazaqstan men Qytaı jastarynyń dostyǵy» jobasyn iske qosý rásimi ótti. Qazaqstannyń týrıstik áleýetin ilgeriletý maqsatynda Qytaıda qazaqstandyq kórikti jerler beınelengen fotokórme usynyldy.