Beıjińge Qysqy Olımpıada daıyndyǵyna kelgen sportshydan koronavırýs anyqtaldy
16:23, 18 Qarasha 2021
BEIJІŃ. QazAqparat –Bobsleı boıynsha halyqaralyq jattyǵý aptalyǵy jáne bobsleı boıynsha Álem kýbogyna qatysý úshin Beıjińge kelgen sheteldik sportshydan koronavırýs anyqtaldy. Bul týraly Beıjińdegi Olımpıada komıtetiniń nasıhat bóliminiń basshysy Chjao Veıdýn málim etti, dep habarlaıdy QazAqparat tilshisi.
Sportshynyń aty-jóni men ulty jarııalanbady. Sheteldik atlet sımptomsyz ınfektsııa anyqtalǵan adammen jaqyn qatynasta bolǵan.
Qazirgi kezde sportshy oqshaýlanǵan, onyń jaǵdaıyn dárigerler baqylap otyr.
Bul Qysqy Olımpıada oıyndarynyń qarsańynda Beıjińge daıyndyqqa kelgen sheteldik atletterdiń arasynda anyqtalǵan birinshi jaǵdaı emes. Qarashanyń basynda eki sportshydan koronavırýs anyqtalǵan bolatyn.
Jańa maýsymdaǵy Álem kýbogynyń bastapqy kezeńi ıAntsındegi olımpıada nysanynda 2021 jylǵy qarashanyń aıaǵynda ótpek.
XXIV Qysqy Olımpıada oıyndary Beıjińde 2022 jyly 4-20 aqpan aralyǵynda ótedi.