Beıjińdegi Olımpıadanyń ekinshi kúninde jeti medal jıyntyǵy oınatylady

BEIJІŃ. QazAqparat – Jeksenbi, 6 aqpanda Beıjińdegi Qysqy olımpıada oıyndarynda jeti júlde jıyntyǵy oınatylady, dep habarlaıdy QazAqparat menshikti tilshisi.

Snoýbord (áıelder arasyndaǵy sloýpstaıl), konkımen júgirý sporty (5000 m, erler), shańǵy jarysy (skıatlon, 30 km, erler), frıstaıl (mogýl, áıelder), shana sporty (bir oryndyq shana, erler) jáne shańǵymen tramplınnen sekirý (qarapaıym tramplın, erler) sııaqty sport túrlerinen aqtyq syn ótedi.

Qazaqstan jankúıerleriniń basty úmiti – 2018 jylǵy Phenchhandaǵy Olımpıada oıyndarynan áıelder mogýlynan «qola» medal alǵan ıÝlııa Galysheva.

3 aqpanda ıÝlııa Galysheva Beıjińdegi Olımpıada-2022 birinshi irikteýinde mogýldan jarysqa shyqpady, al Anastasııa Gorodko qashyqtyqqa deıin jete almady.

Búgin keshke qazaqstandyq frıstaılıster Olesıa Graýr, Aıaýlym Amrenova, ıÝlııa Galysheva jáne Anastasııa Gorodko mogýl jarysynan aqtyq synǵa shyǵý úshin baq synaıdy.

Qazaqstandyq shańǵyshylar Vıtalııa Pýhkalo men Evgenııa Velıchko Chjantszıakoýdaǵy ulttyq stadıonda alǵashqy jarysqa qatysady. Munda erler skıatlonynyń kóshbasshylary - norvegııalyq jáne reseılik atletter.

Taý shańǵyshylary ıAntsınde jyldamdyqqa syrǵanaıdy. Sporttyń bul túrine Qazaqstan komandasynyń atletteri usynylmaǵan.

Jeksenbi kúni qazaqstandyq «ushatyn shańǵyshylar» Sergeı Tkachenko men Danıl Vasılev shańǵymen tramplınnen sekirýden Olımpıada fınalyna shyǵý úshin kúresedi.