Beıjińdegi Olımpıada: Hokkeıden AQSh quramasy Kanadany jeńdi

BEIJІŃ. QazAqparat – Beıjińde ótip jatqan qysqy Olımpıadada hokkeıden toptyq týrnır matchynda AQSh quramasy Kanada komandasyn 4:2 upaımen jeńdi, dep habarlaıdy QazAqparattyń Qytaıdaǵy menshikti tilshisi.

Hokkeıden AQSh-tyń erler komandasy 12 jylda birinshe ret Olımpıada oıyndarynda Kanada komandasyn jeńip otyr.

AQSh quramasynyń hokkeısteri kanadalyqtardy jeńgennen keıin 6 upaımen A tobynda birinshi orynǵa jaıǵasty. Endi Kanada quramasy Qytaımen, al AQSh quramasy Germanııamen oınaıdy. Toptyq týrnırdiń sońǵy matchtary jeksenbide ótedi.
Týrnırdiń basty favorıtteri qataryna Reseı, Fınlıandııa jáne Kanada kirdi. AQSh quramasynda Ulttyq lıga oıynshylary joq, qurama stýdentterden quralǵan. Sol sebepti olar sózsiz jeńimpaz retinde qabyldanyp otyr.
Týrnırdiń shırek fınalyna úsh top úzdikteri men ekinshi oryn alǵandardyń ishinen bir myqty qurama shyǵady. Qalǵan segiz qurama pleı-off raýndynda shırek fınalǵa shyǵý úshin jarysady.
Beıjińdegi Olımpıada týrnırine qatysatyn úsh toptyń árqaısysy tórt komandadan turady.
A: Kanada, AQSh, Germanııa, Qytaı
V: Reseı, Chehııa, Shveıtsarııa, Danııa
S: Fınlıandııa, Shvetsııa, Slovakııa, Latvııa