Beıjińde vaktsına almaǵan turǵyndardyń qoǵamdyq orynǵa barýyna tyıym salyndy

BEIJІŃ. QazAqparat - Qytaı astanasynyń bıligi koronavırýsqa qarsy ekpe almaǵan turǵyndarǵa kisi kóp jınalatyn oryndarǵa barýǵa tyıym saldy. Bul shara 11 shildeden bastap kúshine enedi, dep habarlaıdy QazAqparattyń menshikti tilshisi.

Qalalyq densaýlyq saqtaý komıteti basshysynyń orynbasary Lı Annyń aıtýynsha, COVID-19-ǵa qarsy ekpe almaǵan azamattar Beıjińdegi kisi kóp jınalatyn oryndarǵa bara almaıdy.

Mundaı oryndarǵa oqý oryndary, kitaphanalar, murajaılar, kınoteatrlar, sýret galereıalary, sport ǵımarattary, fıtnes zaldary, oıyn-saýyq oryndary, ınternet-kafeler jáne basqa da oryndar jatady.

Joǵaryda atalǵan oryndarǵa barý úshin Beıjiń turǵyndary vaktsınatsııa sertıfıkatyn kórsetýi kerek.

Shekteýler densaýlyǵyna baılanysty vaktsınatsııa almaǵan adamdarǵa qoldanylmaıdy.

Atalmysh sharalar kelesi dúısenbi, 11 shildeden bastap resmı kúshine enedi.

Ótken táýlikte Qytaı astanasynda COVID-19 ınfektsııasynyń 4 jańa jaǵdaıy anyqtaldy.

Foto: english.www.gov.cn