Beıjińde túngi barda koronavırýs juqtyrǵandardyń sany 115-ke jetti
13:20, 12 Maýsym 2022
BEIJІŃ. QazAqparat - Qytaı astanasyndaǵy túngi barda COVID-19 ınfektsııasyn juqtyrǵandar sany 100 adamnan asty, dep habarlaıdy QazAqparat Beıjiń qalalyq aýrýlardyń aldyn alý jáne oǵan qarsy kúres ortalyǵyna silteme jasap.
Onyń málimetinshe, Beıjińdegi túngi barlardyń birinde anyqtalǵan klasterlik indet tez taralý satysynda, al Qytaı megapolısinde indettiń ekinshi ret órshý qaýpi joǵary bolyp otyr. Beısenbiden beri qalalyq túngi barǵa baılanysty 115 COVID-19 oqıǵasy tirkelgen.
3.5 mıllıon halyq turatyn qalanyń eń kóp shoǵyrlanǵan Chaoıan aımaǵyndaǵy túngi barda koronavırýs juqtyrý jaǵdaılary kóptep anyqtalatyny kútilip otyr.
COVID-19 indetine baılanysty Beıjiń bıligi 13 maýsymnan bastap mektepterde sabaqty offlaın rejımge aýystyrýdy sheshti. Jańa erejege sáıkes, qala mektepterindegi bastaýysh jáne orta mektep oqýshylary qashyqtan bilim alýdy jalǵastyrady.