Beıjińde Olımpıadaǵa kelgender arasynda 39 adamnan COVID-19 tabyldy

BEIJІŃ. QazAqparat – «Beıjiń-2022» uıymdastyrý komıteti qysqy Olımpıada oıyndaryna kelgender arasynan 39 adamnyń koronavırýs juqtyrǵanyn málim etti, dep habarlaıdy QazAqparat menshikti tilshisi.

«Beıjiń-2022» uıymdastyrý komıtetiniń qujatyna sáıkes, 4-22 qańtar aralyǵynda Qytaıǵa 2586 delegatsııa múshesi, sonyń ishinde 171 sportshy men resmı tulǵa, sondaı-aq 2415 múddeli tarap ókili kelgen.

Testileý nátıjesinde basqa múddeli tarap arasynda 39 adamnyń aýrý juqtyrǵany anyqtaldy. Atletter men resmı tulǵalar arasynda eshkim aýyrmaǵan.

Jeksenbi kúni Beıjińdegi oıyndardyń Olımpıada qalashyǵy alǵashqy sheteldik sport delegatsııalaryn qabyldaýdy bastady, sonyń ishinde – AQSh, Aýstralııa, Kanada, Fınlıandııa jáne basqa elder bar. Olımpıada qalashyqtarynyń resmı ashylýy 27 qańtarda ótedi.

XXIV qysqy Olımpıada oıyndary Beıjińde 2022 jyldyń 4-20 aqpany aralyǵynda, al Paralımpıada oıyndary – 4-13 naýryz aralyǵynda ótedi.