NUR-SULTAN. QazAqparat - Qytaıdyń Beıjiń qalasynda XXIV Qysqy Olımpıada oıyndarynyń alaýy jaǵyldy, dep habarlaıdy QazAqparat tilshisi.
Dál qazir qysqy Olımpıada oıyndarynyń alaýy jaǵyldy. Atalǵan sharany álemniń 90-nan astam elinen sportshylar tamashalady.
Aıta keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip alǵan.
Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.
Eske salsaq, Qazaqstan Prezıdenti Beıjińde XXIV qysqy Olımpıadanyń ashylý saltanatyna qatysty.
Sondaı-aq, Qazaqstan sportshylary qysqy Olımpıada sherýinde júrip ótti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.