Beıjińde Naýryz meıramynyń qurmetine stýdenttik serýen ótti

BEIJІŃ. QazAqparat - Beıjińdegi Olımpıada saıabaǵynda Ortalyq Azııa elderiniń stýdentteri birlesip Naýryz meıramyn toılady, dep habarlaıdy Qytaıdaǵy «QazAqparat» HAA menshikti tilshisi.

Stýdenttik serýenge Qazaqstan, Tájikstan, Qyrǵyzstan, Túrikmenstan, Ózbekstan, Reseı jáne basqa da elderden 200 adam qatysty.

Jastar Naýryz merekesi dástúrine qatysty vıktorınalar ótkizip, án shyrqap, ulttyq bı bılep, ulttyq aspaptarda oınaǵan.

Baýyrsaq, shelpek basqa da táttilerden dastarhan jaıylǵan.

Іs-sharany Qytaıdaǵy Qazaqstan stýdentter qaýymdastyǵy (KSAC) Qyrǵyzstan jáne Ózbekstan uıymdarynyń stýdentterimen birlesip uıymdastyrǵan.

«Biz Naýryzdy birlesip, túrli konkýrstar ótkizip, án aıtyp, bı bılep, toılaǵymyz keldi. Biz Shanhaı Yntymaqtastyq Uıymynyń Jastar lıgasyndamyz», - dedi sharanyń uıymdastyrýshylary - Beıjińdegi KSAC  tóraǵasy Nuralı Irsalıev, Ózbekstan stýdenti Oızoda Amınova jáne qyrǵyzstan stýdenti  Artykbaev Beketaı «QazAqparat» HAA-ǵa bergen suhbatynda.