Beıjińde Naýryz merekesiniń toılanǵanyna - 36 jyl
Bıyl da sol daǵdy boıynsha 21 naýryzda Ortalyq Ulttar ýnıversıtetinde qazaq til ádebıeti fakýltetiniń uıymdastyrýymen arnaıy merekelik kesh uıymdastyryldy.
Bul shara barysynda Altaı aımaqtyq fılarmonııasy óner kórsetti. Sonymen birge Qytaı memlekettik birinshi dárejeli ártisi Ýań Huńýeı merekelik keshke arnaıy kelip, qazaqtyń «Sary jaılaý» ánin oryndady.
«Ulys oń bolsyn, aq mol bolsyn! Barshańyzdy naýryz merekesimen quttyqtaımyn! 1982 jyldan bastap Beıjińdegi qazaqtar dástúrli naýryz merekesin atap ótip kelemiz. Mine, bıyl 36 jyl tolyp otyr. Alǵashynda tek dastarhan basynda atap ótetinbiz, jyldan-jylǵa kólemi ulǵaıdy. Sońǵy kezderi Shynjańdaǵy Іle oblysyna qarasty úsh aımaqtan arnaıy ónerpazdar kelip merekelik sálem joldaýdy dástúrge aınaldyrdy»,- deıdi Qytaıdaǵy belgili qazaq jazýshysy Ákpar Májıtuly.