Beıjińde QTJ ókili halyqaralyq tasymaldaý salasyndaǵy orys-qytaı sózdigin shyǵardy (FOTO)
Bul basylymnyń tanystyrylymy QHR-daǵy QR Tótenshe jáne Ókiletti Elshisi Shahrat Nuryshevpen Beıjińde oqyp jatqan qazaqstandyq stýdenttermen kezdesýi barysynda boldy.
«Bul oqýlyq Qytaıǵa bilim alýǵa kelgen stýdentterge, shekara ótkizý pýnktteri, keden organdary, birlesken qazaqstandyq-qytaılyq kompanııalar men Qytaımen syrtqy ekonomıkalyq qyzmettiń basqa da sýbektilerine arnalǵan», - dedi ol stýdentterge.
QazAqparat tilshisine bergen suhbatynda A. Ibragımov basylym taralymy 2 myń dana ekenin málim etti.
«Bul sózdikte 1000 sóz bar, olardyń kópshiligi halyqaralyq tasymaldy uıymdastyrý kezinde qoldanylatyn termınder. Bul basylymdy daıyndaýǵa maǵan halyqaralyq júk tasymaly salasyndaǵy 20 jyldyq tájirıbem men shekara qyzmeti salasyndaǵy praktıkalyq bilimim sep boldy», - dedi ol.