Beıjińde koronavırýsqa qarsy vaktsınalaý qalaı júrgizilýde
Qazirgi ýaqytta Beıjińde shuǵyl vaktsınalaýdy júrgizetin 8,7 myńnan astam medıtsına qyzmetkeri jáne 66 mýnıtsıpaldyq brıgadasy bar 205 ekpe saldyrý pýnkti (statsıonarlyq jáne ýaqytsha) ashyldy.
Alǵashqy eki aptada QHR astanasynda vaktsınatsııanyń kúndelikti aýqymy 100 myńnan 150 myń adamǵa deıin jetti. 14 qańtarǵa deıin Beıjińde COVID-19 vırýsyna qarsy vaktsınasynyń shamamen 1,5 mıllıon dozasy engizildi.
Vaktsınanyń alǵashqy qabyldaýshylary medıtsına, polıtsııa qyzmetkerleri, órt sóndirýshiler, keden qyzmetkerleri; halyqaralyq jáne ishki qatynastardaǵy kólik salasynyń qyzmetkerleri; tamaq ónimderin óndirý jáne jetkizý salasyndaǵy jumysshylar jáne t.b. boldy.
Beıjiń mýnıtsıpaldy úkimetiniń málimdeýinshe, qytaılyq megapolıste vaktsınatsııany óndirý, jetkizý jáne saqtaý, ony praktıkalyq qoldanýdan bastap, janama reaktsııalar men keri baılanysty baqylaýǵa deıin, osy protsestiń tolyq qaýipsizdigi men tıimdiligin qamtamasyz etý úshin ortalyqtandyrylǵan vaktsınatsııany basqarý júıesi quryldy.
Qytaı astanasynyń turǵyndaryn vaktsınatsııalaýǵa qatysatyn medıtsınalyq personal «3 tekserý, 7 rastaý jáne 1 anyqtaýdy» qamtıtyn tehnıkalyq nusqaýlyqty qatań ustanady. Úsh tekserý (vaktsına alýshynyń densaýlyq jaǵdaıyn tekserý, allergııalyq reaktsııalardyń syrqatnamasy, sondaı-aq vaktsınanyń syrtqy túrin, partııa nómirin, jaramdylyq merzimi men shyǵarylǵan kúnin tekserý), jeti rastaý (vaktsınany alýshynyń aty-jóni men jasyn, vaktsınanyń ataýy, ereksheligi, dozasy, vaktsınanyń engizilý jaǵdaıy men tásilin rastaý) jáne bir anyqtaý (bul medıtsına qyzmetkerleriniń vaktsınany alýshyǵa ne onyń qamqorshysyna vaktsınanyń óziniń syrtqy túrin jáne onyń jaramdylyq merzimin kórsetýge mindetti ekenin bildiredi).
QHR astanasynyń turǵyndary men qonaqtarynyń koronavırýsqa qarsy vaktsınatsııa týraly habardarlyǵyn arttyrý maqsatynda Beıjiń ákimshiligi Qytaıdyń áleýmettik jelilerinde vaktsınalar men olardy qoldaný týraly aqparatty qamtıtyn jalpyǵa qol jetimdi akkaýnttar qurdy, sondaı-aq ınfektsıonıst dárigerlermen konsýltatsııalar ótkizý úshin «jedel jeli» ashyldy. Halyqpen vaktsınatsııalaý máseleleri boıynsha túsindirý jumystary sheńberinde gıpertonııa, qant dıabeti jáne qalqansha bez aýrýlarynan zardap shegetin adamdar tobyna erekshe kóńil bólinedi.