Beıjińde koronavırýs karantınine qarsy narazylyq sherýi ótti

GONKONG. TASS-QazAqparat – Jeksenbi kúni keminde birneshe júzdegen adam Beıjińniń Chaoıan aýdanynda jappaı narazylyq sherýlerine qatysty. Olar bılikten eldegi koronavırýsqa qarsy sharalardy jeńildetýdi talap etti, dep habarlaıdy QazAqparat TASS agenttigine silteme jasap.

Adamdar keshke qaraı Lıanmahe ózeniniń jaǵasyna jınala bastady. Olar qoldaryna aq qaǵaz ustap júrdi.

Bul Qytaıdyń túrli qalalarynda stýdentterdiń baǵynbaý aktsııalarynyń sımvolyna aınalǵan.

Jınalǵandar el úkimeti júrgizip jatqan «COVID-19-ǵa nóldik tózimdilik» saıasatyna qarsy urandar aıtýda.

Sherýge qatysýshylar mindetti karantın men jappaı PTR testileýdi alyp tastaýdy talap etti.

Oqıǵa ornyna jetken polıtseıler narazylyq bildirýshilerdiń jolyn jaýyp tastady.

Foto: TASS