Beıjińde epıdemıologııalyq qaýip aımaǵy ulǵaıdy

BEIJІŃ. QazAqparat-Sınhýa – Beıjińde ótken táýlikte 21 adamnyń COVID-19 juqtyrǵany jáne taǵy bir adamda aýrý belgileri baıqalmaıtyn koronavırýs tirkeldi, dep habarlaıdy QazAqparat Sınhýa agenttigine silteme jasap.

«Júrgizilgen zertteýlerge sáıkes, aýrý juqtyrǵan 38 úlginiń gendik rettiligi vırýstyń COVID-19 omıkron nusqasy ekenin kórsetti», - deıdi Beıjiń qalalyq profılaktıka jáne aýrýlardy baqylaý ortalyǵy basshysynyń orynbasary Pan Sınho.

Jańadan tirkelgen naýqastar men budan buryn anyqtalǵandar arasynda epıdemıologııalyq baılanys bary anyqtalǵan.

«Epıdemıologııalyq taldaý, genderdiń rettiligi men antıdenelerdiń anyqtalýy nátıjesinde belgili bolǵanyndaı, qazirgi ýaqytta Beıjińde ınfektsııa juqtyrýdyń eki tizbegi bar», - dep tolyqtyrdy ol.

Seısenbide Beıjiń aýdandarynyń biri COVID-19 taralý qaýpi joǵary, al qalǵan jeti aýdan ortasha qaýiptegi aımaq retinde jiktelgen.

Sońǵy derekterge sáıkes, COVID-19 aldyn alý jáne qarsy kúres jónindegi qalalyq shtab Qytaı astanasynda 2 aımaq joǵary qaýipti jáne 12 aımaqtyń qaýiptiligi ortasha dep jarııalady.

Buǵan deıin habarlaǵanymyzdaı, Beıjiń bıligi COVID-19 juqtyrýdyń taǵy 22 jaǵdaıy anyqtalǵannan keıin, epıdemııaǵa qarsy sharalardy kúsheıtken bolatyn.