Beıjińde Dombyra kúni toılandy

BEIJІŃ. QazAqparat - Búgin Beıjińde turatyn qazaqstandyqtar Dombyra kúnin toılady, dep habarlaıdy QazAqparattyń Qytaıdaǵy menshikti tilshisi.

Merekelik sharany Qazaqstan Respýblıkasynyń Qytaıdaǵy Elshiligi «Baldyrǵan» balalardy damytý ortalyǵymen birge uıymdastyrdy.

Stýdentter - Saıat Eshmatov pen Dýman Kósherbaı Qurmanǵazy kúıleri men Nurǵısa Tilendıevtiń týyndylaryn dombyramen oryndady, jeti jasar Aıqyn Táttibaı «Muǵalim» kompozıtsııasymen tánti etti.

«Ulttyq dombyra kúni - qazaq mádenıetiniń ózegi bolǵan dombyrany qasterleýdiń belgisi. Belgili aqyn Qadyr Myrzalıev aıtpaqshy, «Naǵyz qazaq qazaq emes, naǵyz qazaq - dombyra», - deıdi Beıjińniń Ekinshi shet tilderi ınstıtýtynyń 2-kýrs stýdenti S. Eshmatov.

Avtor: Sadyq Ákejanov