Beıjińde 2022 jylǵy qysqy Olımpıada oıyndarynyń jaqyndaýynda baılanysty epıdqadaǵalaý kúsheıtildi

BEIJІŃ. QazAqparat – Beıjiń qalasynyń bıligi Qytaıǵa koronavırýs juqtyrý qaýpi bar basqa aımaqtardan kelýshilerge baılanysty epıdemıologııalyq qadaǵalaý kúsheıtiletinin jarııalady. Bul týraly osy demalys kúnderi qalada COVID-19 vırýsynyń taralýyna qarsy kúres boıynsha qalalyq ákimshiliktiń basqarý tobynyń baspasóz konferentsııasynda jarııalandy, dep habarlaıdy QazAqparat.

17 qarashadan bastap, taıaýda Qytaıdyń 21 provıntsııasynda COVID-19 vırýsynyń órshýine baılanysty Beıjińge basqa aımaqtardan kelýshilerdiń barlyǵy 48 saǵat ishinde koronavırýstyń teris qorytyndysyn kórsetetin test pen beıjińdik jasyl tústi «Densaýlyqtyń QR-kodyn» usynýy tıis.

Sonymen qatar, kelesi sársenbiden bastap 14 kúnniń ishinde koronavırýs juqtyrýdyń birneshe oqıǵasy tirkelgen aýdan turǵyndaryna Beıjińge kirýge (nemese oralýǵa) qatań tyıym salynǵan. Budan bólek, Beıjiń turǵyndaryna qurlyqtaǵy shekara ótkelderi ornalasqan aýdandarǵa shyǵýǵa tyıym salyndy.

Beıjiń bıligi epıdemııanyń aldyn alý jáne qadaǵalaý boıynsha qatań sharalar qabyldaý 2022 jyldyń 4-20 aqpan kúnderine josparlanǵan qysqy Olımpıada oıyndaryn qaýipsiz ótkizýdi qamtamasyz etý úshin qajet ekenin atap ótti.

Qala bıligi jańa epıdemıologııalyq qadaǵalaý sharalary aıasynda Beıjińde qajetsiz kezdesýlerdiń barlyǵyn ótkizbeýdi sheshti. Ótken senbide Beıjińde koronavırýsqa shaldyǵýdyń bir oqıǵasy anyqtalsa, búkil qurlyqtyq Qytaıda vırýs juqtyrýdyń 47 oqıǵasy tirkelgen.