Beıjińde 10 mln adamǵa koronavırýs vaktsınasy salyndy

BEIJІŃ. QazAqparat - Beıjińde 10 mıllıonnan astam turǵyn koronavıýrs vaktsınasyn saldyrdy, dep habarlaıdy QazAqparattyń menshikti tilshisi.

Bul jaıynda densaýlyq saqtaý jónindegi mýnıtsıpaldyq komıtet málimet taratty.

2 sáýirdegi málimet boıynsha, jalpy 16,05 mln doza vaktsına qoldanylǵan. Qalanyń 10 mln astam turǵynyna ekpe jasaldy.

Onyń ishinde 6,04 mıllıony - vaktsınanyń eki komponentin de alyp úlgerse, qalǵan 3,96 mln adam - birinshi dozany saldyrǵan.

Ekpe alǵandardyń 9,33 mıllıony - 18 ben 59 jas aralyǵyndaǵy adamdar.

Beıjińde jasy 60-tan asqan 670 myńnan astam turǵyn vaktsına jasatqan, onyń ishinde jasy 90-nan asqan 551 adam bar.

Búginde Beıjiń halqynyń sany 21 mıllıonnan asady.