Beıjiń Olımpıadasynyń alaýyn jaqqan uıǵyr qyzy kim
Qysqy Olımpıada oıyndarynyń ashylý saltanaty 4-i kúni keshke «Qus uıasynda» Qytaı ulttyq stadıonynyń ótip, sońǵy alaý estafetasyna barlyǵy jeti alaý ustaýshy qatysty.
Olardyń ishinde bas alaýdy jaǵýǵa jaýapty sońǵy qos alaý ustaýshy – Shyńjańdyq uıǵyr sportshysy Dıngar Iramjanqyzy men qytaı sportshysy Chjao Tszıaven.
Qytaı aqparat quraldarynyń habarlaýynsha, Dıngar Iramjanqyzy bıyl 20-ǵa endi ǵana tolsa da, tájirıbeli shańǵyshy.
Dıngar Iramjanqyzy Shyńjańdaǵy Altaı qalasynda týyp-ósken. Ákesi Iramjan kezinde Qytaı ulttyq jarysynda úshinshi oryndy jeńip alǵan shańǵyshy.
2009 jyly Iramjan Altaıda 20 adamnan turatyn jastar shańǵy komandasyn qursa, onyń qyzy Dıngar solardyń biri boldy. Kezinde halyqaralyq jarystarda myqty qarsylastarmen baq synaýdy armandaǵan sportshy retinde, Iramjan qyzy Dıngarǵa bar bilimin úıretti. Al Dıngar da ákesiniń úmitin aqtady.
2019 jyldyń jeltoqsan aıynda Dıngar Norvegııada ótken shańǵy jarysynda jastar arasynda birinshi oryndy ıelendi. 2021-2022 maýsymynda jas sportshy FIS shańǵy jarysy boıynsha FIS upaılar serııasynda da birqatar birinshi júldelerdi jeńip aldy. Sonymen qatar, ol Qytaıda ótken kóptegen otandyq jarystarda tamasha nátıjelerge qol jetkizdi.
Dınǵardyń úıinde onyń ártúrli is-sharalarda jeńip alǵan medaldary eń kórnekti orynǵa qoıylǵan, ony otbasy maqtan tutady.
Bıylǵy qysqy Olımpıada oıyndarynda Qytaı atynan shańǵy jarysynda Dıngar Iramjanqyzy óner kórsetedi. Jas uıǵyr sportshysy Olımpıadada jaqsy nátıje kútetinin aıtty.