Beıjiń Olımpıadasynda sportshy dopıng kúdigine ilindi
14:19, 10 Aqpan 2022
NUR-SULTAN. QazAqparat – Beıjińde ótip jatqan Qysqy Olımpıada oıyndarynda alǵashqy oń dopıng-synama tabyldy, dep habarlaıdy QazAqparat Sports.kz silteme jasap.
Halyqaralyq dopıng testileý agenttiginiń (ITA) málimetinshe, ırandyq taý shańǵyshy Hýsseın Saveh-Shemshakıdiń testi oń nátıje kórsetken. Sportshynyń dopıng synamasynan degıdrometıl-testosteron metabolıtteri tabylǵan.
36 jastaǵy shańǵyshy Olımpıada oıyndarynyń ashylý saltanatynda Iran quramasynan tý ustap shyqqan bolatyn. Qazir ol jarysqa qatysýdan ýaqytsha shettetildi. Saveh-Shemshakı tanymal sportshylardyń biri. Ol 2010 jyly Vankýverdegi jáne 2014 jyly Sochıdegi Olımpıada oıyndaryna qatysqan.