Beıjiń Olımpıadasynan qansha el júlde aldy, qaı el kósh bastap tur

BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndary bel ortasyna da kelip jetti, dep habarlaıdy QazAqparat tilshisi.

Búgin Beıjińdegi Aq Olımpııa oıyndarynyń jetinshi kúni de artta qaldy. Medalǵa talas kún sanap qyza túskendeı.

Ózge elder Germanııa qurama komandasyn qýalap jete almaı kele jatyr.

Olar úsh kúnnen beri jalpy medal kestesinde kóshbasshylyqtan túser emes.

Germanııa qorjynyn búgin taǵy 1 altyn, 1 kúmiske toltyryp, medal sanyn 7 altyn, 4 kúmiske jetkizdi.

Ekinshi orynda kele jatqan norvegııalyqtardyń enshisinde - 6 altyn, 3 kúmis, 5 qola medal bar.

Al keshe 5-orynda turǵan Nıderland quramasy búgin 5 altyn, 4 kúmis, 1 qola medalmen úzdik úshtikke kóterildi.

Medal kórsetkishimen úzdik ondyqta turǵan elder:

1. Germanııa - 7 altyn, 4 kúmis

2. Norvegııa - 6 altyn, 3 kúmis, 5 qola

3. Nıderlandy - 5 altyn, 4 kúmis, 1 qola

4. Shvesııa - 5 altyn, 2 kúmis, 2 qola

5. Avstrııa - 4 altyn, 6 kúmis, 4 qola

6. AQSh - 4 altyn, 5 kúmis, 1 qola

7. Qytaı - 3 altyn, 3 kúmis, 1 qola

8. Reseı - 2 altyn, 4 kúmis, 6 qola

9. Italııa - 2 altyn, 4 kúmis, 4 qola

10. Japonııa - 2 altyn, 2 kúmis, 4 qola

Aıta keteıik, dál búginge deıin Olımpıada medaline qol jetkizgen elder qatary 26-ǵa jetti.

Onyń ishinde 19 memlekettiń qorjynynda altyn medal bolsa, 22 memlekette kúmis júlde bar. Sondaı-aq, tórt el qola medalge qol jetkizgen.

Ókinishke qaraı Qazaqstan qorjyny ázirge bos.