Beıjiń Olımpıadasyna kelgen 15 adamnan koronavırýs anyqtaldy
12:59, 25 Qańtar 2022
BEIJІŃ. QazAqparat – 24 qańtar kúni Beıjińge, Olımpıada oıyndaryna kelgen 15 adamnan koronavırýs anyqtaldy, dep habarlaıdy QazAqparat 2022 jylǵy Olımpıada oıyndarynyń resmı saıtyna silteme jasap.
«24 qańtar kúni Qytaıǵa 23 sportshy men resmı tulǵa, 223 múddeli taraptar ókilderi, barlyǵy 246 adam keldi. PTR-testileý nátıjesinde 12 adamnan vırýs anyqtaldy, olardyń barlyǵy – múddeli taraptar ókilderi. Taǵy úsh jaǵdaı budan buryn anyqtalǵan edi, olardyń bireýi – sportshy nemese resmı tulǵa, ekeýi – múddeli taraptar ókilderi», - delingen habarlamada.
Olımpıada oıyndary Beıjińde 4-20 aqpan aralyǵynda ótedi.