Beıjiń metrosynda jolaqyny alaqanmen tóleý jobasy iske qosyldy

BEIJІŃ. SINЬHÝA - QazAqparat - Beıjiń metrosynda jolaýshylarǵa jol júrý kartasyn basýdyń nemese QR-kodty skanerleýdiń qajeti joq. Endi olar tólemdi alaqandy skanerleý arqyly jasaı alady. Bul týraly QazAqparat Sınhýa agenttigine silteme jasap habarlaıdy.

Beıjiń Qalalyq kólik basqarmasynan málim etkendeı, Dasın halyqaralyq áýejaıyna deıin baratyn ekspress poıyzda jańa tehnologııany qoldaný boıynsha pılottyq baǵdarlama iske qosyldy.

Jolaýshy vokzaldaǵy bılet avtomaty arqyly alaqany týraly bıometrııalyq aqparatty engizgennen keıin jáne tanymal qytaılyq WeChat messendjerinde avtorızatsııadan ótken soń jol aıaldamalarynda týrnıketterden ótý úshin alaqanyn kórsetse jetkilikti. Shyǵý kezinde tólem avtomatty túrde esepten shyǵarylady.

Týrnıket alaqan men tamyr sýretin tanyp alady. Jańa tehnologııa jolaýshylarǵa qolma-qol aqshasy joq jáne smartfondarynyń qýaty taýsylǵan kezde de metrony paıdalanýǵa múmkindik beredi.

Komıtet qoldanýshy málimetterin qorǵaý úshin shıfrlaý tehnologııalary qoldanylatynyn aıtty.