Beıjiń bıligi mamyr merekeleri kezinde sanıtarlyq talaptardy kúsheıtti
Sanıtarlyq sharalar kólik nysanda, sport jáne kórme keshenderi, mádenıet jáne sport, saýda, qoǵamdyq tamaqtandyrý obektileri nysandarynda, qonaqúıler, memlekettik uıymdar jáne medıtsınalyq mekemelerde engizilgen.
Qalalyq Aýrýlardy qadaǵalaý jáne aldyn alý ortalyǵy basshysynyń orynbasary Pan Sınho Qytaı astanasynyń turǵyndary mamyr merekeleri kezinde qoǵamdyq oryndarǵa kirýi úshin qoldarynda 48 saǵattan erte emes tapsyrylǵan PTR testisiniń teris nátıjesi jáne arnaıy QR-kod bolýy tıis ekenin aıtty.
5 mamyrdan bastap Beıjiń turǵyndary men qonaqtary qoǵamdyq oryndarǵa kirý jáne qoǵamdyq kólikke miner kezde sońǵy jeti kúnge jaramdy PTR synamasyn usynýy kerek.
Mamyr merekeleri kezinde koronavırýs juqtyrǵandardyń eń kóp sany anyqtalǵan qalalyq Chaoıan iskerlik aýdanynyń turǵyndary COVID-19 vırýsyna jappaı testileýdiń úsh kezeńinen qaıta ótýi tıis. Qala bıliginiń málimetinshe, 3 mamyrdan bastap Beıjińde koronavırýsqa PTR test tegin júrgiziledi.
Merekeden keıin stýdentter men kásiporyn qyzmetkerleri jumysqa nemese oqýǵa barý úshin teris PTR teris nátıjesin kórsetýi tıis.
Sońǵy táýlikte Beıjińde koronavırýs juqtyrýdyń 54 jańa oqıǵasy tirkeldi. 22 sáýirden beri Qytaı astanasynda 280-nen astam adam COVID-19 ınfektsııasyn juqtyrǵan.
Resmı statıstıkaǵa sáıkes, ótken táýlikte qurlyqtyq Qytaıda koronavırýs ınfektsııasyn juqtyrýdyń 10,7 myń jaǵdaıy tirkeldi. Óz kezeginde, ótken táýlikte elde birneshe apta boıy aýrýǵa shaldyǵýdyń eń joǵary resmı kórsetkishi tirkelgen Shanhaıda COVID-19 ınfektsııasynyń 10,1 myńnan astam jaǵdaıy anyqtaldy.