Beıjiń bıligi kovıdke baılanysty shekteýlerin qaıta engizdi
Beıjiń qalalyq densaýlyq saqtaý komıteti koronavırýs juqtyrýdyń bir táýlikte 60-tan astam jańa jaǵdaıy tirkelgenin habarlady. Іndetke shaldyqqan adamdar vırýsty Chaoıandaǵy jergilikti túngi barlardyń birinen juqtyrǵany belgili boldy.
Sonymen birge, sol barǵa baryp, kovıd juqtyrǵan naýqastar osy aptada Qytaı elordasynyń basqa 13 aýdanynan anyqtalǵan. Beıjiń ákimshiliginiń málimetinshe, barǵa kelýshiler arasynda jergilikti «Densaýlyq kody» qosymshasyndaǵy QR-kod arqyly tekserilmegender kóp bolǵandyqtan, bul indet juqtyrýy múmkin adamdardy izdeý jumystaryn qıyndata túsýde.
Beıjińniń Chaoıan aýdanynda shamamen 3,5 mıllıon adam turady jáne sheteldik dıplomatııalyq ókildikter ornalasqan. Beısenbiden bastap ondaǵy barlyq ınternet-kafeler men oıyn-saýyq oryndary jabyla bastaǵan. Sol kúni Chaoıandaǵy turǵyn alaptarynyń kóbinde turǵyndardan koronavırýsqa test alyna bastaǵan.
Buryn habarlanǵandaı, 6 maýsymnan bastap Beıjińde koronavırýsqa qarsy shekteýler birtindep alyna bastap , qoǵamdyq kólikterdiń jumysy qalpyna kelip, saýda ortalyqtary men sportzaldar ashyldy.