Beıjiń antıkovıdtik shekteýlerdi jeńildetkennen keıin qalypty ómirge oralyp jatyr

BEIJІŃ. QazAqparat – Qytaı astanasynda dúısenbiden bastap antıkovıdtik shekteýler jeńildep jatyr, dep habarlaıdy QazAqparat menshikti tilshisi.

Beıjiń bıliginiń málimdemesine sáıkes, 6 maýsymnan bastap meıramhanalar men tamaqtaný oryndaryna kelýshilerge qyzmet kórsetýge ruqsat etiledi.

Dúısenbiden bastap kýrerlerge turǵyn úı keshenderiniń aýmaǵyna kirýge ruqsat berildi. Qashyqtan jumys istegender keńselerge oralady. Qoǵamdyq kólikter (sonyń ishinde avtobýstar, metro jáne taksı) qalypty jumysyna kiristi.

Bastaýysh jáne orta mektep oqýshylary kúndizgi sabaqtardy 13 maýsymnan, al balabaqshalar 20 maýsymnan bastaıdy.

Qoǵamdyq oryndarǵa baratyn, qoǵamdyq kólikti paıdalanatyn nemese jınalystarǵa baratyn adamdarda 72 saǵat ótpegen PTR testisi bolýy kerek.

Jańa erejeler Beıjińniń eki aýdanyn qospaǵanda, Qytaı astanasynyń kóptegen aýdandarynda kúshine enedi.

22 sáýirden bastap Beıjińde koronavırýs juqtyrǵan 1,8 myńnan astam jaǵdaı tirkeldi. Qalada áli de bir aýdan COVID-19 juqtyrý qaýpi joǵary sanatqa, al alty aýdan ortasha qaýip sanatyna jatady.