Beıjiń-2022: Jigitterimiz de alǵashqy irikteýde úzdik ondyqtan tys qaldy

NUR-SULTAN. QazAqparat - Búgin Beıjińdegi Olımpıada oıyndarynda frıstaıl-mogýldan erler arasyndaǵy alǵashqy irikteý jarysy aıaqtady, dep habarlaıdy QazAqparat tilshisi.

Birinshi irikteý aınalymynda el namysyn qorǵaǵan eki sportshymyz da úzdik ondyqqa enbeı qaldy.

Dmıtrıı Reıherd 75.43 upaımen jarysty jalpy esepte 12-orynmen aıaqtasa, Pavel Kolmakov 74.09 upaımen 17-orynda qaldy.

Endi eki sportshy da 5 aqpan kúni ótetin irikteý kezeńiniń ekinshi aınalymynda taǵy bir márte synǵa túsedi.

Іrikteý kezeńiniń qorytyndysy boıynsha alǵashqy ondyqqa engen mogýlshylar fınalǵa birden joldama aldy.

Qazir erler arasynda kanadalyq Mıkael Kıngsberı 81.15 upaımen kósh bastap keledi.

Esterińizge sala keteıik, osyǵan deıin áıelder arasynda ótken irikteý synynda qazaqstandyq atletter úzdik ondyqqa enbeı qalǵanyn jazǵan bolatynbyz.