Beıjiń-2022: Janbota Aldabergenova men Aqmarjan Qalmurzaeva birinshi irkteýdi sátti bastady
14:24, 14 Aqpan 2022
BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda búgin Frıstaıl-akrobatıkasynan alǵashqy irikteý syndary ótti, dep habarlaıdy QazAqparat tilshisi.
Búgingi atalǵan synda áıelder arasynan qazaqstandyq Janbota Aldabergenova men Aqmarjan Qalmurzaeva jarys alańyna shyqty.
Nátıjesinde alǵashqy irikteýdiń qorytyndysy boıynsha Janbota Aldabergenova 80,56 upaı enshilep, 12-shi orynǵa turaqtasa, Aqmarjan Qalmyrzaevanyń 70,86 nátıjesimen 19-shy orynǵa taban tiredi.
Bul kórsetkish eki otandasymyzdy da ekinshi rikteý kezeńinde synǵa túsýge múmkindik beredi. Al birinshi irikteýde alǵashqy altylyqqa engen sportshylar birden tikeleı fınalǵa ótti.