Beıjiń-2022: Jalpy medaldar kestesinde Shvetsııa kósh bastap tur

BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda kún sanap medalǵa talas qyza túsýde, dep habarlaıdy QazAqparat tilshisi.

Búgin Beıjiń Olımpıada oıyndarynyń resmı bastalǵanyna týra tórt kún boldy. Osy aralyqta búgingi kúnniń qorytyndysy boıynsha jarysqa qatysýshy 91 memleketten 22 el tórtjyldyq dodanyń júldelerin qanjyǵalaryna baılap úlgerdi.

Shvetsııa keshe, ıaǵnı 7 aqpanda 3 altyn medalmen kósh bastasa, búgin medaldar sanyn taǵy 1 altyn, 1 kúmis, 1 qola medalǵa tolyqtyryp sol bıiginen qulaǵan joq.

Al keshe ǵana jalpy esepte ekinshi orynda turǵan Reseı quramasy búgin ornyn Nıderlandy quramasyna berip, ózderi 7-orynǵa syrǵyp ketti. Sondaı-aq, búgin úzdik úshinshi orynǵa jalpy esepte Olımpıada oıyndaryn uıymdastyryp jatqan alań ıeleri kóterildi.

Medaldar kórsetkishimen úzdik ondyqta turǵan elder:

1. Shvetsııa - 3 altyn, 1 kúmis, 1 qola

2. Nıderland - 3 altyn, 3 kúmis, 1 qola

3. Qytaı - 3 altyn, 2 kúmis

4. Germanııa - 3 altyn, 2 kúmis

5. Norvegııa - 3 altyn, 1 kúmis, 4 qola

6. Italııa - 2 altyn, 4 kúmis, 1 qola

7. Reseı - 2 altyn, 3 kúmis, 5 qola

8. Avstrııa - 2 altyn, 3 kúmis, 2 qola

9. Slovenııa - 2 altyn, 1 kúmis, 2 qola

10. Frantsııa - 1 altyn, 4 kúmis.

Aıta keteıik, dál búginge deıin jalpy 22 memlekettiń sportshylary Beıjiń Olımpıadasynyń medalin jeńip alyp, mereıi ústep boldy. Ókinishke qaraı qazaqstandyq sportshylar áli kúnge bir medalǵa qol jetkize almaı keledi.