Beıjiń-2022: Shyńǵys Rakparov olımpıadany 41-orynmen aıaqtady

NUR-SULTAN. QazAqparat - Búgin Beıjińde ótip jatqan Olımpıada oıyndarynda shańǵy qossaıysynan jeńimpazdar anyqtaldy, dep habarlaıdy QazAqparat tilshisi.

Atalǵan synda Qazaqstannan jalǵyz Shyńǵys Rakparov el namysyn qorǵady. Ol alǵashqy saıysta tuǵyrdan sekirýden synǵa túsip, 79.5 metrge sekirdi. Qorytyndy esepte 69.9 upaı ıelendi. Bul synda Rakparov kóshbasshydan 4 mınýt 12 sekýndqa qalyp qoıǵan bolatyn.

Sh.Rakparov jańa ǵana ekinshi saıys túrinen, ıaǵnı gýnderson júıesi boıynsha iz kesýde (10 km.) +6:55,4 nátıje kórsetip, qossaıys qorytyndysynda Olımpıada oıyndaryn 41-orynmen aıaqtady.

Shańǵy qossaıysynyń jeńimpazdary men júldegerleri:

Gýndersen júıesi boıynsha jarys. 10 km. Erler

1. Vınzents Geıger (Germanııa) – 25:07,7

2. Iorgen Nıýland Grobak (Norvegııa) +0,8

3. Lýkash Greıderer (Avstrııa) +6,6

…41. Shyńǵys Raqparov (Qazaqstan) +6:55,4.

Aıta keteıik, Shyńǵys Rakparov atalǵan sport boıynsha Olımpıadaǵa qatysqan alǵashqy qazaqstandyq sportshy.