Beıjiń-2022: Shaıbaly hokkeıden shırek fınalǵa qaı quramalar shyqty

NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden erler arasynda 1/4 fınalǵa shyqqan quramalar anyqtaldy, dep habarlaıdy QazAqparat tilshisi.

Pleı-off satysyndaǵy oıyndar máresine jetti. Tórt jupta jeńimpaz atanǵan quramalar shırek fınalǵa joldama aldy.

Búgin Danııa hokkeıshileri Latvııany 3:2, Slovakııa Germanııany 4:0 esebimen tize búktirdi. Al Shveıtsarııa Chehııadan 4:2, Kanada Qytaıdan 7:2 esebimen basym tústi.

Endi 16 aqpanda shırek fınal satysynda AQSh pen Slovakııa, Fınlıandııa men Shveıtsarııa, Reseı men Danııa, Shvetsııa men Kanada kezdesedi.

Erler arasyndaǵy básekede barlyǵy 12 qurama úsh topqa bólinip baq synady. Olardyń árbirinen birinshi oryn alǵany tikeleı shırek fınalǵa joldama aldy.

Jartylaı fınal 18 aqpan belgilengen. Al 3-oryn úshin saıys 19 aqpanda ótkizilse, 20 aqpanda fınal bolady.

Eske salsaq, budan buryn áıelder arasynda fınalǵa shyqqan quramalar anyqtaldy.