Beıjiń-2022: Shańǵyshylar men bıatlonshylar olımpıada aldyndaǵy jattyǵýǵa kiristi

NUR-SULTAN. QazAqparat - Búgin Beıjińdegi XXIV qysqy Olımpıadada shańǵymen jarysý jáne bıatlonnan synǵa túsetin atletter Chjantszıakoý klasterinde jattyǵýǵa kiristi, dep habarlaıdy QazAqparat tilshi.

QR Ulttyq olımpıada komıteti málim etkendeı, sportshylar sońǵy jattyǵý jıyndaryn shetelderde ótkizdi, sondyqtan Qytaıǵa deıingi sapar barysynda barlyq qaýipsizdik sharalaryn saqtaly.

Bıatlonshylar Beıjińge Ystanbuldan keldi.

Sondaı-aq, osy reıspen Beıjińge shańǵyshylar daushyp keldi. Olar da taýly aımaq Chjantszıakoýda synǵa túsedi.

Esterińizge sala keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy.

Búginde olar olımpıada qalashyǵyna ornalasty. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.

Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.

Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.

Olımpıadanyń saltanatty ashylý rásiminde elimizdiń baıraǵyn bıyl alǵash ret bir emes, eki sportshy alyp shyǵady.

Onyń biri - short-trekten Qazaqstan quramasynyń kóshbasshysy Abzal Ájiǵalıev bolsa, ekinshisi - konkıshi Ekaterına Aıdova.

Eki sportshymyz da - quramadaǵy tájirıbeli, júldege talasýǵa múmkindigi joǵary sportshylar.