Beıjiń-2022: Olımpıadada endi qansha júlde jıyntyǵy qaldy

NUR-SULTAN. QazAqparat - Jahan jurty asyǵa kútken Beıjińdegi Olımpıada oıyndary da bel ortasynan aýyp, jabylý máresine de jaqyndap qaldy, dep habarlaıdy QazAqparat tilshisi.

Jalpy Beıjiń Olımpıadasynda 109 medal jıyntyǵy sarapqa salynyp jatyr. Qazirge deıin sol 109 medal jyıyntyǵynyń 72-si óz ıelerin taýyp úlgerdi. Endi 37 medal jıyntyǵy ǵana qaldy.

Ázirge eń kóp altyn medal Norvegııa quramasynyń enshisinde. Ol 9 altynmen jalpy medaldar kestesinde kósh bastap tur. Ary qaraı Germanııa 8 altyn, AQSh 7 altyn, Avstrııa, Qytaı Nıderlandy 6 altynnan alǵan. Shvetsııa men Shveıtsarııa 5 altynnan, Reseı Olımpıada komıteti 4, Frantsııa 3 altyn medal jeńip aldy.

Sondaı-aq, Italııa, Japonııa, Slovenııa quramalarynyń qorjynynda 2 altynnan bar.

Kanada, Ońtústik Koreıa, Avstralııa, Fınlandııa, Jańa Zelandııa, Vengrııa, Cheh Respýblıkasy jáne Slovakııa elderi bir-bir altyn medalǵa qol jetkizdi.

Ázirge Qazaqstan qorjyny bos.