Beıjiń-2022: Qazaqstandyq sportshylardyń aralyq nátıjesi qandaı

NUR-SULTAN. QazAqparat – Qazaqstan Halyqaralyq olımpıada komıtetiniń bas hatshysy Andreı Krıýkov Beıjiń Olımpıadasyna qatysyp jatqan qazaqstandyq sportshylardyń aralyq nátıjesin baıandady, dep habarlaıdy QazAqparat.

«Jańa ǵana konkımen júgirý jarysynan keldik, onda bizdiń sportshylarymyz Ekaterına Aıdova men Nadejda Morozova 1500 metr qashyqtyqta saıysqa tústi. Ózderińiz biletindeı, frıstaıl-mogýl komandasy osymen oıyndy aıaqtady. Árıne, keshegi nátıjelerdi qabyldaý qıyn boldy. ıÝlııa Galysheva – 11-oryn, Anastasııa Gorodko – 21-oryn, Aıaýlym Ámirenova – 22-oryn, Olesıa Graýr – 28-oryn, Dmıtrıı Reıhard – 8-oryn jáne Pavel Kolmakov – 11-oryn», - dedi Andreı Krıýkov Zoom arqyly ótken baspasóz máslıhatynda.

Spıkerdiń aıtýynsha, keshe short-trek komandasy aralas estafetada 5-orynǵa taban tiredi.

«Bul óte jaqsy nátıje dep sanalady. Sportshylarymyzdyń osyndaı mańyzdy nátıjege qol jetkizgenine qýanyshtymyz. Short-trek – óte kúrdeli sport túri. Osyndaı nátıje úshin sportshylardyń qansha ter tógetinin bilemiz. Sondyqtan biz osyndaı nátıje úshin qýanyshtymyz. Basqa oıyndarǵa kelsek, bári jospar boıynsha ótip jatyr», - dep tolyqtyrdy Andreı Krıýkov.