Beıjiń-2022: Qazaqstandyq short-trekshiler aralas estafetada irikteýden óte almady

NUR-SULTAN. QazAqparat - Beıjińde ótip jatqan Qysqy Olımpıada oıyndarynda short-trekten qazaqstandyq sportshylar aralas estafetadan shırek fınalda synǵa tústi, dep habarlaıdy QazAqparat tilshisi.

Aralas estafetada el namysyn Abzal Ájiǵalıev, Denıs Nıkısha, ıAna Han, Olga Tıhonova qorǵady.

Alaıda, qazaqstandyq short-trekshiler 1000 metrlik qashyqtyqty óz tobynda 2:43,02 ýaqyt kórsetkishimen baǵyndyryp, úshinshi orynǵa ıe boldy.

Bul kórsetkish olardyń jarysty ary qaraı jalǵastyrýyna múmkindik bermedi.

Eske sala keteıik, sporttyń jeti túrinen 109 medal jıyntyǵy sarapqa salynady. XXIV qysqy Olımpıada oıyndaryna Qazaqstan quramasynan barlyǵy 34 sportshy qatysýda. Olar 87 joldama jeńip aldy. Qazaqstandyqtar shańǵy jarysy, frıstaıl, akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.