Beıjiń-2022: Qazaqstandyq mogýlshylar Chjantszıakoýda jattyǵýdy bastady

NUR-SULTAN. QazAqparat - Frıstaıl-mogýldan Qazaqstan komandasy Qytaıda Olımpıada qarsańyndaǵy jattyǵýǵa kiristi, dep habarlaıdy QazAqparat tilshisi.

Qazaqstan Ulttyq olımpıadalyq komıteti habarlaǵandaı, mogýlshylar taýda ornalasqan Chjantszıakoý qalashaǵynda jattyǵýǵa kirisip ketti. Bul olımpıadalyq kartadaǵy eń qashyq klaster bolyp sanalady.

Sporttyń bul túrinen Qazaqstan namysyn ıÝlııa Galysheva, Aıaýlym Ámirenova, Anastasııa Gorodko, Olesıa Graýr, Pavel Kolmakov jáne Dmıtrıı Reıherd qorǵaıdy.

Esterińizge sala keteıik, osyǵan deıin Qazaqstan sapynan alǵash bolyp jarysty mogýlshylar bastaıtyny týraly osyǵan deıin jazǵan bolatynbyz

Chjantszıakoý klasterinde frıstaıl, shańǵymen tuǵyrdan sekirý, bıatlon, shańǵy, shańǵy qossaıysynan komandalar ornalasqan.

Beıjiń Olımpıadasyndaǵy frıstaıl-mogýldan jarys kestesi:

3 aqpan:

Mogýl, áıelder.

Birinshi irikteý

Mogýl, erler, birinshi irikteý

5 aqpan:

Mogýl, erler.

Ekinshi irikteý, birinshi, ekinshi, úshinshi fınal

6 aqpan:

Mogýl, áıelder.

Ekinshi irikteý, birinshi, ekinshi, úshinshi fınal.

Aıta keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy.

Búginde olar olımpıadalyq qalashyqtarǵa ornalasty. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.

Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.