Beıjiń-2022: Qazaqstandyq konkıshi Olımpıadany 18-orynmen aıaqtady

BEIJІŃ. QazAqparat – Beıjińde ótip jatqan qysqy Olımpıada oıyndarynda 1500 metrge konkımen júgirýden erler arasyndaǵy jeńimpaz ben júldegerler anyqtaldy, dep habarlaıdy QazAqparat tilshisi.

Atalǵan jarysta Qazaqstan atynan Dmıtrıı Morozov el namysyn qorǵady. Alaıda ol jeńimpazdan 3.80 sekýndqa utylyp, Beıjiń Olımpıadasyn 18-shi orynmen aıaqtady.

1500 metrge konkımen júgirýden Olımpıada rekordyn ornatqan nıderlandylyq Keld Neıs bas júldeni qanjyǵasyna baılady. Ekinshi oryndy da nıderlandylyq konkıshi Tomas Krol jeńip alyp, kúmis júldeger atandy. Úzdik úshtikti Ońtústik Koreıa atleti Kım Mın Sok túıindedi.

Eske sala keteıik, Olımpıada oıyndarynda sporttyń jeti túrinen 109 medal jıyntyǵy sarapqa salynady.

XXIV qysqy Olımpıada oıyndaryna Qazaqstan quramasynan barlyǵy 34 sportshy qatysýda. Olar 87 joldama jeńip aldy.

Qazaqstandyqtar shańǵy jarysy, frıstaıl, akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsip jatyr.