Beıjiń-2022: Galına Vıshnevskaıa iz kesý jarysyna joldama aldy

BEIJІŃ. QazAqparat - Qazaqstandyq bıatlonshy Galına Vıshnevskaıa-Sheporenko Beıjiń Olımpıadasyndaǵy jekeleı jarysty 44-shi orynmen aıaqtady, dep habarlaıdy QazAqparat tilshisi.

Ol atý kezinde bir ret qatelesip, qorytyndy esepte +5:19.6 (0+1, 0+0) nátıjesimen 44-shi orynǵa turaqtady.

Sportshymyz osy nátıjesiniń arqasynda iz kesý jarysyna joldama alǵan 60 sportshynyń qataryna endi.

Bıatlonshylar básekesinde germanııalyq Denıh Herrman 44:12.7 (0+0, 1+0) kórsetkishimen bas júldeni jeńip aldy. Ekinshi oryndy +9.4 (0+0, 0+1) nátıjemen frantsııalyq Anaıs Shevale-Býshe qanjyǵasyna baılady. Al úzdik úshinshi orynǵa +15.3 (1+0, 0+1) qorytyndysymen norvegııalyq Marte Olsbıý-Roıselann ıe boldy.

Jarysqa jalpy esebi 86 sportshy qatysty.

Aıta ketelik, Olımpıada oıyndarynda 34 qazaqstandyq atlet sporttyń 8 túrinen el namysyn qorǵap jatyr.