Beıjiń-2022: Frıstaıl-akrobatıkasynan Hashırbaev ekinshi irikteýge ótti

BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda búgin Frıstaıl-akrobatıkasynan erler arasynda alǵashqy irikteý syndary bastaldy, dep habarlaıdy QazAqparat tilshisi.

Búgingi atalǵan básekede erler arasynan qazaqstandyq Sherzod Hashırbaev jarys alańyna shyqty.

Ol birinshi irikteý kezeńinde 109,74 upaı enshiledi. Alaıda bul kórsetkish ony birinshi fınalǵa tikeleı joldama beretin úzdik 6 sportshynyń qataryna enýge azdyq etti. Biraq, otandasymyz ekinshi irikteý kezeńinde taǵy bir synǵa túsýge múmkindik aldy.

Endi sanaýly ýaqyttan keıin ekinshi irikteý kezeńine qatysady.

Aıta keteıik, atalǵan Aq Olımpıadada oıyndarynda elimizdiń namysyn 8 sport túrinen 34 sportshy qorǵap jatyr.

Beıjiń Olımpıadasy 20 aqpanda máresine jetedi.